Unibank Premyer Liqasının XVIII turunun 2-ci günündə keçirilmiş ilk oyun sensasiya ilə başa çatıb. Autseyder “Karvan” öz meydanında “Simurq”a 3:2 hesabı ilə qalib gəlib. Debütdə qapısından qol buraxmış “Simurq” tezliklə bərabərliyi bərpa edib. Amma komandalar fasiləyə “Karvan”ın üstünlüyü ilə yollanıblar. Yevlax təmsilçisi 2-ci hissədə daha 1 qol vurub. Bu, oyunda həlledici olub. “Simurq” 1 təsəlli qolu vursa da, 2:3 hesablı məğlubiyyətdən qaça bilməyib

Turun Tofiq Bəhramov adına Respublika stadionunda keçirilən “Neftçi” – “Qarabağ” oyununda hesab açılmayıb, 0:0.Bu oyunların nəticəsinə görə “Simurq” ilk altılıqdakı yerini “Qəbələ” klubuna “təhvil verib”.

Günün digər oyunlarında güclülərlə zəiflər qarşılaşıblar. Lənkəranda keçirilmiş “Xəzər-Lənkəran” – “Standard” matçında da hesab açılmayıb. “Şəfa” stadionundakı “İnter” – “Muğan” oyunu isə birincilərin 1:0 hesablı qələbəsi ilə yekunlaşıb.