Unibank Premyer Liqasının və Azərbaycan kubokunun həlledici mərhələsinə hazırlaşan “Bakı” Futbol Klubu yoxlama oyunu keçirib. Əvəzedici heyətlə qarşılaşmada komandalar 45 dəqiqə meydanda olublar. Matç 4:1 hesabı ilə əsas komandanın xeyrinə başa çatıb.

Əsas heyətdən qolları Jaba, Adriano və 2 dəfə Aleksandar Şoliç fərqlənib. Əvəzedicilərdən 1 qolu Nurlan Novruzov vurub.

Oyunda diqqətçəkən məqamlardan biri də əsas komandada ehtiyatda qalan Rəhman Hacıyev və Hacı Əhmədovun əvəzedicilərə cəlb edilməsi idi. Əsas komandanın qapısını isə Xalidu Sissoko qoruyurdu.